Uyghur aptonom rayonidiki yerlik kömür kanlarning hemmisi taqilidu

Uyghur aptonom rayonidiki kömür kan da'irilirining ashkarilishiche, xitay hökümiti Uyghur aptonom rayonidiki yerlik kömür kanlarni taqashni qarar qilghan. Shinxu'a axbarat agéntliqi, rayondiki yilliq kömür ishlepqirish iqtidari 90 ming tonnigha yetmeydighan barliq kömür kanlarning taqilidighanliqini bildürdi.

Uyghur aptonom rayonidiki kömür kan ishlirigha mes'ul memuriy da'iriler, Uyghur aptonom rayoni boyiche 483 kömür kanning taqilidighanliqini bildürmekte. Da'irilerning ashkarilishiche, yuqiriqi kömür kanlarda kömür qézish téxnikisi qalaq, bixeterlik tedbirliri ölchemge yetmeydiken. Shinxu'a axbarat agéntliqi, qalghan 430 etrapidiki kömür kanning asasi esliheliri yéngilinidighanliqini bildürdi.

Yéqinqi 6 yil ichide Uyghur aptonom rayoni boyiche jem'iy 800 din artuq kömür kan taqiwétilgen. Da'irilerning ashkarilishiche, 2004 - yili Uyghur aptonom rayoni boyiche 42 milyon tonna kömür ishlepchiqirilghan bolup, her bir milyon tona kömür ishlepchiqirish üchün 3 adem ölgen . 2004 - Yili xitay boyiche 3639 qétim kömür kan weqesi yüz bergen bolup, xitay hökümitining ashkarilishiche, 6 mingdin artuq kishi yuqiriqi weqelerde ölgen.

Xitay bash ministiri wén jyabaw, bu ayning bashliri hökümetning kömür kanlardiki bixeterlik eslihelirini yaxshilash üchün 3 milyard yü'en ajritidighanliqini élan qilghan. (Erkin)