Uyghur élide 129 kan quduqi qayta retke sélinmaqchi


2005.09.04

Uyghur aptonom rayonluq kömür kanlarni memuriy teptish qilish idarisi bilen aptonom rayonluq kömür sana'iti bashqurush idarisi, éghir derijide bixeterlik amilliri saqliniwatqan 65 kan quduqini taqiwétish bilen bir waqitta, 129 kan quduqini ishlepchiqirishtin toxtitip retke salidighanliqini élan qildi.

Xitay xewer torining melum qilishiche, bu qétim taqtiwétilgen 65 kan quduqining ijazetnamisidiki ishlepchiqirish iqtidari 1 milyon 500 ming tonna iken.

Uyghur élide kan hadisilirining arqa-arqidin yüz bérishi sewebidin, munasiwetlik orunlar bu yil 25 - awghustqiche bolghan mezgilde, Uyghur aptonom rayonidiki 521 kömür kan üstidin tekshürüsh élip barghandin kéyin, qanunda békitilgen bixeter ishlepchiqirish shertige toshmighan bu 129 kömür kanni ishlepchiqirishtin toxtitip retke sélishni qarar qilghan.

Gerche Uyghur aptonom rayonluq kömür kan bixeterlik tekshürüsh idarisi ilgirimu Uyghur élidiki bir qisim kanlarning bixeterlik ölchimige toshmaydighanlighini bayqap, ularni ishlepchiqirishtin toxtashqa buyruq qilghan bolsimu, emma nurghun kanlarning buyruqqa ri'aye qilmastin, yenila öz aldigha ishlepchiqirish bilen shoghullunush ehwali köp körülgen idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.