Uyghur aptonum rayoni hökümiti, Uyghur élidiki 194 kömür kanni taqap tertipke salmaqchi


2005-10-06
Share

Uyghur élining bay nahiyisidiki yatur kömür kénida yüz bergen paji'elik kan weqesidin kéyin, Uyghur aptonom rayonluq kan bashqurush da'iriliri Uyghur élidiki 194 kanni taqap tertipke salidighanliqini bildürdi.

Yatur kömür kénida seyshenbe küni gaz partlash weqesi yüz bérip, 14 adem ölgen idi. Kan partlashning sewebi heqqide xitay hökümet da'iriliri hazirghiche melumat bermidi. Bu weqe, xitaydiki asasliq kömür kan bazisi bolghan Uyghur élidiki kömür kanlirining bixeterlikige bolghan endishilerni qozghighan idi.

Xitay hökümiti, memliket boyiche bixeterlikte mesile körülgen kanlarni tekshürüp taqashni buyrighan bolsimu, biraq, xitayning énérgiyige bolghan éhtiyajining jiddiy éshishi, nurghun kömür kan igilirining menpe'et qoghliship, xeterlik kömür kanlarni dawamliq échishini keltürüp chiqarmaqta. Kan weqelirimu ayiqi üzülmey yüz bermekte.

Charshenbe küni sichü'enning longten kömür kanida yüz bergen kanni su bésip kétish weqeside ölgenlerning sani 12 ge yetken bolup, kan astida qamilip qalghan yene 16 ishchining ölük- tirikliki téxi melum emes iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet