Uyghur rayoni partkom hökümet emeldarlirining kanlardiki paylirini qayturuwélishni ret qiliwatqanliqini inkar qildi


2005-10-21
Share

Uyghur aptonum rayonluq partkom intizam tekshürüsh komitéti jüme küni bayanat élan qilip, hökümet emeldarlirining kömür kanlardiki pay cheklirini qayturuwélishni ret qiliwatqanliqi heqqidiki xewerlerni inkar qildi.

Xitay hökümiti, xitayda ewj alghan "emeldarlar we kömür kanlar til biriktürüsh" ehwallirige xatime bérish üchün, kömür kan'gha meblegh salghan hökümet emeldarlirini 22 - séntebirgiche paychékini sétiwétish toghrisida uqturush chüshürgen idi. Bu, kanlarning bixeterlikini yaxshilashning bir tedbiri dep qaralghan.

Emma in'giliz tilida chiqidighan "junggo géziti" we Uyghur aptonum rayonluq hökümetke qarashliq "tengritagh tor béti" qatarliq metbu'atlar ötken ayda, bir qisim hökümet emeldarlirining wezipisidin élinip tashlinishqa raziki, pay chékini sétiwétishqa razi emeslikini xewer qilghan.

Tengritagh tor béti ötken jüme küni élan qilghan xewiride yene, hökümet emeldarlirining kömür kanlirigha salghan meblegh we pay chékini qayturuwélish uqturushining ijra qilinish ehwali yaxshi bolmighanliqtin, mebleghni qayturuwélish mudditini 22 - öktebirgiche kéchiktürgenlikini bildürgen idi. Xewerdin ashkarilinishiche, Uyghur rayunigha meblighini qayturiwalidighan birmu emeldar chiqmighan.

Uyghur aptonum rayonluq partkom intizam tekshürüsh komitétining bildürüshiche, bu xewerler jem'iyette nachar tesirlerni peyda qilghachqa, ular bayanat élan qilip qilip, xitay merkizi hökümetning oqturushining waqit, tertip jehettin ongushluq halda élip bériliwatqanliqini körsetken iken. Ular yene bu xil "oydurma" xewerlerni élan qilip, yaman aqiwetlerni keltürüp chiqarghan muxbirlarning mes'oliyini sürüshtire qilish hoquqini saqlap qalidighanliqini tekitligen. Emma intizam tekshürüsh komitéti Uyghur aptunum rayunluq hökümetning nime üchün kadirlarning pay cheklirini qayturuwélish mudditini 22 - séntebirdin 22 - öktebirgiche uzartqanliqi heqqide héchqandaq chüshendürüsh bermigen.

"Emeldar bilen kömür kanlarning til biriktürüsh" ehwali, xitayda bixeterliki nachar kömür kanlarning dawamliq ishlepchiqirish bilen shughullinip, kan weqelirining köp yüz bérishining asasliq seweblirining biri dep qaralmaqta. Xitay metbu'atlirining xewiridin ashkarilinishiche, bu yil 8 - ayda 83 ademning ölüsh weqesi kélip chiqqan fukang nahiyisidiki shinlong kömür kénining pay chékini sétiwalghan emeldarlarning sani 187 ge yétidu. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet