Шихуда йүз бәргән көмүр кан вәқәсидә 16 адәм өлди


2005-10-28
Share

Уйғур аптоном райониниң шиху наһийисидики җоңшин көмүр кенида пәйшәнбә күни йүз бәргән газ партлаш вәқәсидин кейин, кан астида қалған 16 нәпәр ишчиниң һәммиси қаза қилған.

Радиомизниң зияритини қобул қилған шиху һөкүмәтлик ишханисиниң дижурниси мәзкур көмүрканниң дөләт игиликидики кичик көмүркан икәнликини, кан астида қалған кишиләрниң һәммисиниң қаза қилғанлиқини билдүргән.

Уйғур аптоном райони хитай бойичә көмүр записи әң көп район. Шихуда йүз бәргән вәқә уйғур аптоном районида йеқинқи 2 ай ичидә йүз бәргән 3 - чоң көмүр кан қазаси болуп һесаблиниду. Бу йил 8 - айда фокаңдики линлоң көмүр кенида йүз бәргән газ партлаш вәқәсидә 83 адәм өлгән.

Ақсуниң бай наһийисидики көмүр кан қазасида 14 ишчиниң өлгәнлики җакарланған иди. Хитай даирилириниң ашкарилишичә, хитайда һәр йили 6 миң адәм көмүркан қазалирида өлидикән.

Бу арида вәқә йүз бәргән шу күни даириләр, фукаң шәһириниң муавин шәһәр башлиқи лю шявлоңни қолға алғанлиқини елан қилған иди. Лю шявлоң, шинлоң көмүркениниң хоҗайинидин пара елиш, көмүрчилик тиҗаритигә қатнишиш билән әйибләнгән.

"Җоңго яшлири" люниң 2002 - йилдин бери шенлоң көмүр кенидин 160 миң йүән пара алғанлиқини язди. Лю шявлоң билән биргә шинлоң көмүр кениниң хоҗайинини өз ичигә алған 6 адәм қолға елинған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт