Shixuda yüz bergen kömür kan weqeside 16 adem öldi


2005-10-28
Share

Uyghur aptonom rayonining shixu nahiyisidiki jongshin kömür kénida peyshenbe küni yüz bergen gaz partlash weqesidin kéyin, kan astida qalghan 16 neper ishchining hemmisi qaza qilghan.

Radi'omizning ziyaritini qobul qilghan shixu hökümetlik ishxanisining dizhurnisi mezkur kömürkanning dölet igilikidiki kichik kömürkan ikenlikini, kan astida qalghan kishilerning hemmisining qaza qilghanliqini bildürgen.

Uyghur aptonom rayoni xitay boyiche kömür zapisi eng köp rayon. Shixuda yüz bergen weqe Uyghur aptonom rayonida yéqinqi 2 ay ichide yüz bergen 3 - chong kömür kan qazasi bolup hésablinidu. Bu yil 8 - ayda fokangdiki linlong kömür kénida yüz bergen gaz partlash weqeside 83 adem ölgen.

Aqsuning bay nahiyisidiki kömür kan qazasida 14 ishchining ölgenliki jakarlan'ghan idi. Xitay da'irilirining ashkarilishiche, xitayda her yili 6 ming adem kömürkan qazalirida ölidiken.

Bu arida weqe yüz bergen shu küni da'iriler, fukang shehirining mu'awin sheher bashliqi lyu shyawlongni qolgha alghanliqini élan qilghan idi. Lyu shyawlong, shinlong kömürkénining xojayinidin para élish, kömürchilik tijaritige qatnishish bilen eyiblen'gen.

"Jonggo yashliri" lyuning 2002 - yildin béri shénlong kömür kénidin 160 ming yü'en para alghanliqini yazdi. Lyu shyawlong bilen birge shinlong kömür kénining xojayinini öz ichige alghan 6 adem qolgha élin'ghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet