كۆمۈركان قازاسىدا ئۆلگەن خىتاي ئىشچىلارغا تۆلەم پۇل بېرىلدى


2005-11-18
Share

ئۇيغۇر ئاپتونوم رايونىنىڭ گۇچۇڭ ناھىيىسىدىكى بېيتاشەن كۆمۈر كېنىدا يۈز بەرگەن پارتلاش ۋەقەسىدە ئۆلگەن 11 نەپەر خىتاي كان ئىشچىسىنىڭ ئائىلە - تاۋاباتىغا 200 مىڭ يۇئەندىن خۇن پۇلى تۆلەم بېرىلدى.

خىتاينىڭ ھۆكۈمەت تەرەپ زۇۋانى شىنخۇئا ئاخبارات ئاگېنتلىقىنىڭ خەۋەر قىلىشىچە، ۋەقەنى تەكشۈرۈشكە قاتناشقان خىتاي ئەمەلدارى گوڭ خۇيۋېن، قازاغا ئۇچرىغان ھەر بىر ئىشچىنىڭ ئائىلە - تاۋاباتى 200 مىڭ يۈئەندىن تۆلەم پۇلى تاپشۇرۇۋالغانلىقىنى بىلدۈرگەن. شۇنىڭ بىلەن بىرگە ۋەقەدە يارىلانغان 24 ئىشچىنىڭ داۋالىنىش پۇلى كەچۈرۈم قىلىنغان.

8 - نويابىر كۈنى گۇچۇڭدىكى بېيتاشەن كۆمۈر كېنىدا يۈز بەرگەن پارتلاش ۋەقەسى، كۆمۈر كاندىكى بىر ئامبارغا دۆۋلەپ قويۇلغان پارتلاتقۇچ دورىنىڭ پارتلاپ كېتىشىدىن كېلىپ چىققان ئىدى. ۋەقەدە 11 ئىشچى ئۆلگەن، 24 كىشى يارىلانغان، 3 ئادەم ئىز دېرەكسىز يوقالغان. مەزكۇر كان گۇچۇڭ ناھىيە بازىرىنىڭ 206 كىلومېتىر شىمالىغا، ئۈرۈمچىنىڭ 400 كىلومېتىر شەرقىي شىمالىغا توغرا كېلىدۇ.

گۇچۇڭدا يۈز بەرگەن ۋەقە ئۇيغۇر ئاپتونوم رايونىدا يېقىنقى 2 ئاي ئىچىدە يۈز بەرگەن 4 - قېتىملىق كۆمۈر كان قازاسى بولۇپ، بۇ ۋەقەلەردە ئۆلگەن ئادەم سانى 100 دىن ئاشىدۇ. ئەمما ئۆلگەنلەرنىڭ مۇتلەق كۆپ قىسىمى خىتاي كۆچمەنلىرى ئىدى. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت