Көмүркан қазасида өлгән хитай ишчиларға төләм пул берилди


2005-11-18
Share

Уйғур аптоном райониниң гучуң наһийисидики бейташән көмүр кенида йүз бәргән партлаш вәқәсидә өлгән 11 нәпәр хитай кан ишчисиниң аилә - тавабатиға 200 миң юәндин хун пули төләм берилди.

Хитайниң һөкүмәт тәрәп зувани шинхуа ахбарат агентлиқиниң хәвәр қилишичә, вәқәни тәкшүрүшкә қатнашқан хитай әмәлдари гоң хуйвен, қазаға учриған һәр бир ишчиниң аилә - тавабати 200 миң йүәндин төләм пули тапшурувалғанлиқини билдүргән. Шуниң билән биргә вәқәдә яриланған 24 ишчиниң давалиниш пули кәчүрүм қилинған.

8 - Ноябир күни гучуңдики бейташән көмүр кенида йүз бәргән партлаш вәқәси, көмүр кандики бир амбарға дөвләп қоюлған партлатқуч дориниң партлап кетишидин келип чиққан иди. Вәқәдә 11 ишчи өлгән, 24 киши яриланған, 3 адәм из дерәксиз йоқалған. Мәзкур кан гучуң наһийә базириниң 206 километир шималиға, үрүмчиниң 400 километир шәрқий шималиға тоғра келиду.

Гучуңда йүз бәргән вәқә уйғур аптоном районида йеқинқи 2 ай ичидә йүз бәргән 4 - қетимлиқ көмүр кан қазаси болуп, бу вәқәләрдә өлгән адәм сани 100 дин ашиду. Әмма өлгәнләрниң мутләқ көп қисими хитай көчмәнлири иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт