Uyghur aptonom rayonida yene kömür kan weqesi yüz berdi


2006-01-10
Share

Uyghur aptonom rayonining michüen shehiridiki bir kümür kénida seyshenbe küni su chiqip kétish weqesi yüz bérip, 4 neper kan ishchisi quduq astida qamilip qaldi.

Xitay metbu'atlirining xewer qilishiche, kan astida qamilip qalghan kan ishchilirining ölük - tirikliki hazirghiche melum emesken. Bu Uyghur aptonom rayonida bu yil kirgendin béri yüz bergen tunji kömür kan weqesi bolup hésablinidu. Ötken yili rayon boyiche shixu, bay, guching, ürümchi qatarliq jaylarda arqa - arqidin kömür kan weqeliri yüz bérip, 100 din artuq adem ölgen.

Xewerlerge qarighanda qutquzush xadimliri kan astigha chüshüp, hadisige uchrighan ishchilarni qutquzushqa tirishmaqta. Bu weqe yüz bérishtin bir qanche kün ilgiri aptonom rayonluq soda - iqtisad komitéti ürümchi, sanji qatarliq jaylardiki 120 din artuq kichik tiptiki kanlarning qayta kömür qézishigha ruxset qilghan. Bu kanlarning köpchiliki bixeterlik sewebliri tüpeylidin kömür qézishi toxtutulghan kanlar idi.

Xitay döletlik kömür kanlar bixeterlikini nazaret qilish idarisi ötken yili xitay boyiche 4000 din artuq kömür kanning taqilidighanliqini élan qilghan idi. " Tengritagh tori" ning xewer qilishiche, aptonom rayon da'iriliri bu qararni yéqilghu yétishmeslik mesilisini hel qilish üchün chiqarghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet