Хитай уйғур елиниң қаба дәрясида хәлқара дәриҗилик чоң алтун кан байқиди


2006-07-05
Share

Хитай йеқинда уйғур елиниң алтай районидики қаба дәрясида хәлқара дәриҗилик бир чоң алтон кан байқиған. Шундақла бу йәрдә алтун записидин башқа йәнә, көмүш вә мис записиму мол икән.

Хитай хәвәр агентлиқиниң қаба наһийиси партком секритари лю бинниң сөзини нәқил кәлтүришичә, бу районда байқалған алтун кандики алтун запас миқдари 100 тоннидин, көмүшниң запас миқдари 1000 тоннидин ашидикән һәмдә мис запас миқдари болса, 360 тонниға йетикән.

Партком секритари лю бин агентлиққа йәнә, уйғур ели кан байлиқлириниң интайин моллиқини болупму қаба дәрясидики кан қезиш ишлириниң парлақ кәлгүсигә игә икәнликини билдүргән. Хитайниң нурғун чоң карханилири уйғур елидә һәр хил кан байлиқлирини қезиш ишлирини җиддий елип бармақта. Хитай даирилири йеңидин байқалған бу кан байлиқиниму 3-4 йилниң ичидә йилиға 10 тонна алтун ишләпчиқиридиған сәвийигә йәткүзүшни пиланлимақта.

Буниңға наразилиқ позитсийиси тутидиған уйғурлар, хитай һөкүмитиниң уйғур елидә елип бериватқан нурғун ечиш хизмәтлириниң муһит қоғдаш бәлгилимилиригә риайә қилинмиған асаста елип бериливатқанлиқини, шундақла уйғур елидики йәрлик хәлқләрниң бу байлиқлардин һечқандақ мәнпәәтләнмәйватқанлиқини билдүрмәктә. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт