Xitay Uyghur élining qaba deryasida xelq'ara derijilik chong altun kan bayqidi


2006-07-05
Share

Xitay yéqinda Uyghur élining altay rayonidiki qaba deryasida xelq'ara derijilik bir chong alton kan bayqighan. Shundaqla bu yerde altun zapisidin bashqa yene, kömüsh we mis zapisimu mol iken.

Xitay xewer agéntliqining qaba nahiyisi partkom sékritari lyu binning sözini neqil keltürishiche, bu rayonda bayqalghan altun kandiki altun zapas miqdari 100 tonnidin, kömüshning zapas miqdari 1000 tonnidin ashidiken hemde mis zapas miqdari bolsa, 360 tonnigha yétiken.

Partkom sékritari lyu bin agéntliqqa yene, Uyghur éli kan bayliqlirining intayin molliqini bolupmu qaba deryasidiki kan qézish ishlirining parlaq kelgüsige ige ikenlikini bildürgen. Xitayning nurghun chong karxaniliri Uyghur élide her xil kan bayliqlirini qézish ishlirini jiddiy élip barmaqta. Xitay da'iriliri yéngidin bayqalghan bu kan bayliqinimu 3-4 yilning ichide yiligha 10 tonna altun ishlepchiqiridighan sewiyige yetküzüshni pilanlimaqta.

Buninggha naraziliq pozitsiyisi tutidighan Uyghurlar, xitay hökümitining Uyghur élide élip bériwatqan nurghun échish xizmetlirining muhit qoghdash belgilimilirige ri'aye qilinmighan asasta élip bériliwatqanliqini, shundaqla Uyghur élidiki yerlik xelqlerning bu bayliqlardin héchqandaq menpe'etlenmeywatqanliqini bildürmekte. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet