Fukangdiki kan weqeside ölgenlerning sani 3 ke yetti


2006-09-06
Share

Ötken hepte fukang shehirining jinlong kömür kanida yüz bergen gaz chiqish weqeside zeherlen'gen yene bir ishchi qutquzush ünüm bermey qaza qilghan. Shuning bilen bu weqede ölgenlerning sani 3 ke yetti.

Xitay xewer torining melum qilishiche, weqede kan qudughida meshghulat qiliwatqan ishchi we qutquzush xadimliridin bolup 8 kishi zeherlen'gen bolup, bularning arisidiki go shiyen isimlik bir ishchi zeherlinish derijisining éghirliqi sewebidin yéqinda doxturxanida qaza qilghan. Buningdin bashqa yene 3 kishining ehwalimu hazir xeterlik basquchta iken.

Hazirghiche bu weqede qaza qilghanlarning a'ile-tawabatliri ayrim halda 200 ming yüendin tölemge érishken. Bu weqe 1‏-sétebir küni yerlik waqit kech sa'et 11:30 larda yüz bergen bolup, kan quduqida tuyuqsiz kömtürülüsh ehwali körülüp, uzun ötmeyla zeherlik gaz kan astini qaplap ketken. Bu yerde ishlewatqan ishchilar gerche qéchishqa urun'ghan bolsimu, lékin zeherlik gaz miqdarining yuqiri bolushi seweblik, 2 kishi zeherlinip ölgen qalghanliri bolsa, éghir derijide zeherlen'gen.

Jinlong kömürlüki emdila yéngi qurulghan bir kömürlük bolup, téxi resmiy ishlepchiqirishmu élip barmighan. Kan astida ishlewatqan bu ishchilar bolsa peqet quduq yollirining qurulush ishlirini qiliwatqan iken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet