Уйғур елидики көмүркан вәқәси йүз бәрди


2007-05-16
Share

Уйғур елидә йүз бәргән көмүркан вәқәсидә 4 адәм өлгән , 5 адәм еғир яриланған вә 3 адәм из-дерәксиз йоқап кәткән.

BBC Ниң хәвәр қилишичә, 15 май чүштин кийин саәт төтләр әтрапида уйғур ели бүгүр наһийиси тәвәсидики бав шән ( гөһәр тағ) көмүрканиниң ишчилири кан ичидики отни өчүрүш җәрянида кан бети тешилип кандин зәһәрлик газ чиқип кәткәчкә, газда көмүркан ишчилири зәһәрләнгән вә бирнәччә кан ишчиси өлүп кәткән.

Көмүркан ичидики газ бәк қоюқ болғачқа қутқузуш хадимлири киришкә амалсиз қалған. Бүгүр наһийидики мәзкур кан шәхси ечивалған кан болуп, һазир вәқәниң сәвәби тәкшүрүлмәктә икән.

Хитайда даим йүз берип туридиған кан вәқәлиригә қарита, хитай дөләтлик бихәтәр ишләпчиқиришни назарәт қилиш вә башқуруш идариси, көмүркан бихәтәрликини назарәт қилиш идариси қатарлиқ органлар көмүркан бихәтәрликигә алақидар йеңи бәлгилимә тарқатқан иди. Бу бәлгилимидә һәрқандақ җайда қанунсиз көмүркан ечи чәкләнгән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт