Shixudiki kömür kanda partlash yüz bérip, 16 ishchi kan astida qaldi

Uyghur élining shixu shehridiki jungshin kömür kénida peyshenbe küni chüshtin kéyin gaz partlash weqesi yüz bérip, kan astida meshghulat élip bériwatqan 16 ishchi qamilip qaldi.

Shinxu'a agéntliqining xewiride éytilishiche, Uyghur aptunum rayunluq kan bixeterlikini nazaret qilish idarisining qutquzghuchi xadimliri derhal neq meydan'gha yürüp ketken. Weqening yüz bérish sewebi we kan astida qamilip qalghanlarning hayat- mamatliqi heqqide téxi melumat yoq.

Xitayda, jümlidin Uyghur élide kanlarning bixeterliki intayin nachar hisablinidu. Tenqidchiler, alaqidar da'irilerning payda üchün kishilerning hayatini qurban qiliwatqanliqini bildürmekte.

Bu arida, xitay da'iriliri Uyghur élining fukang shehiridiki shinlung kénida bu yil 7 - ayda yüz bergen alahide chong kan weqesige chétishliq 7 kishini qolgha élish buyruqi chüshürülgenlikini xewer qildi.

Xitay xelq gézitining bildürishiche, fukang shehirining ishlepchiqirish bixeterlikige mes'ol mu'awin sheher bashliqi bu qétimqi weqege chétishliq chiqqan. U mezkur kömür kanidin para yigen hemde bashqilarning nami bilen kanning kömür toshush tijaritige qatnashqan. Uning bilen bille qolgha élinish buyruqi chüshürülgenler ichide mezkur kanning xojayini, bashquruchisi, téxnika xadimliri bar iken. Shinlong kömür kanida 11 - iyol yüz bergen gaz partlash weqeside 83 adem ölüp, töt adem yarilan'ghan. (Arzu)