Fukang kömür kanida qaza qilghan adem sani 65 yetken
2005.07.11
Uyghur élining fukang nahiyisidiki shénglong kömür kanida düshenbe küni gaz partlash hadisisi yüz bérip, hazirgha qeder 65 adem qaza tapqan, 18 ademning iz - dériki bolmighan, 4 adem qutquzup qélin'ghan.
En'giliye b b s radi'o - téléwiziye shirkiti, shinxu'a agéntliqining xewirini neqil keltürüp, kanda gaz partlash hadisisining 11 - iyul küni shu yerning waqti tang seher 2 yérimde yüz bergenlikini bildürgen.
Xewerdin ashkarilinishiche, gaz partlighanda 87 adem kan quduqi astida meshghulat élip bériwatqan bolup, partlashtin kéyin aran 4 adem qutulduruwélin'ghan.
Nöwette, xitayning kömür kanchiliq kespi, dunya boyiche eng xeterlik sahelerning biri hésablinip, 2005 - yili 1 - aydin hazirgha qeder 1000 din artuq kan ishchisi kan astida qaza qilghan. (Qanat)