Fukangdiki kömür kan weqeside ölgenler sani 83 ke yetti


2005.07.13
Share on WhatsApp
Share on WhatsApp

Uyghur aptonom rayonining fukang nahiyisidiki shénlong kömürkénida yüz bergen gaz partlash weqeside ölgenler sani 83 ke yetti. Weqede kan astidiki 87 neper ishchining aran 4 nepiri qutulghan. Qutquzush xadimliri charshenbe küni kan astidin ikki ishchini élip chiqqan.

Weqe düshenbe küni seherde yüz bergen idi. Da'iriler weqeni aldini alghili bolidighan mes'uliyetsizlik weqesi, dep atidi. Döletlik bixeter ishlepchirishni nazaret qilish idarisining bashliqi li yijongning tekitlishiche, fukangdiki shénlong kömürkénida bixeterlik mesilisi mewjut bolup, hazirgha qeder bixeter ishlepchiqirish guwahnamisi almighan. Li yijong, kömürkan da'irilirini qanun - tüzümge xilap meshghulat élip bérish, qalaymiqan bashqurush, kötürüsh iqtidaridin köp kömür qézish qatarliqlar bilen eyiplidi.

Igilishimizche gaz partlash weqesi yüz bérishning aldida kan astidiki kömür gézining qoyuqluq derijisi normal ölchemdin 6 hesse éship ketken. Xitay dölet kabinti fukangdiki kömür kan weqesini tekshürüsh guruppisi qurghan bolup, tekshürüsh guruppisi weqeni " saqlan'ghili bolidighan mes'uliyetsizlik weqesi," dep eyibligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.