Sanjidiki kan weqeside ikki adem öldi


2005-10-31
Share

Uyghur élining sanji shehiridiki xungding kömür kanida, xangning torus taxtiyi ghulap chüshüsh weqesi yüz bérip, kan astida meshghulat élip bériwatqan ikki ishchi öldi.

"Shinjang iqtisad" gézitining düshenbe küni xewer qilishiche, weqe ötken jüme küni yüz bergen. Weqede bir ishchi bextige yarisha qéchip qutulalighan. Ikki ishchining jesiti shu küni chüshtin kiyin tépilghan.

Emma xewerde weqening kélip chiqish sewebi tilgha élinmighan. Bu Uyghur élide ikki kün ichide yüz bergen ikkinchi kan weqesi bolup hésablinidu. Buningdin bir kün burunla, shixu shehiridiki jungshin kömür kanida gaz partlash weqesi yüz bérip, kan asitida qamilip qalghan 16 ishchi qazagha yoluqqan idi.

Uyghur éli xitaydiki kömür zapisi eng mol rayon. Xitaydiki kömür kanlar dunya boyiche eng xeterlik kömür kanlar bolup, her yili dégüdek alte mingdin artuq kishi her xil kan weqeliride ölidu. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet