Guchungdiki bir kömür kanda partlash yüz bérip, 14 adem qazagha uchridi


2005-11-08
Share

Uyghur aptonom rayonining guchung nahiyisidiki béytashen kömür kénida seyshenbe küni etigen seherde partlash weqesi yüz bérip, az dégende 11 adem öldi, 3 adem iz -déreksiz yoqaldi.

Béytashen kömür kéni nahiye bazirining 206 kilométir shimaligha toghra kélidighan bolup, shinxu'a axbarat agéntliqining xewer qilishiche, weqede 14 adem yarilan'ghan. Fransiye axbarat agéntliqi, weqe yüz bergende etrapta 31 adem barliqini we kanning qanunsiz ikenlikini bildürdi.

Weqe shu yerning waqti bilen seyshenbe küni etigen seher sa'et 30 :1 lerde yüz bergen. Bu arida sanji oblasti we guchung nahiyilik weqeni bir terep qilish qomandanliq merkizi, weqening kélip chiqish sewebini élan qildi.

Ularning chüshendürüshiche, partlash weqesi kömür kandiki bir öyge döwlep qoyulghan 500 kilogram partlatquch dorining partlap kétishidin kélip chiqqan. Da'irilerning eskertishiche, weqede iz- déreksiz yoqalghanlar bolushi mumkin. Bu Uyghur aptonom rayonida ikki aygha barmighan waqit ichide yüz bergen 4 - qétimliq kömür kan weqesi bolup hésablinidu. Buningdin ilgiri fukangdiki shinlong kömürkéni, baydiki yatar kömürkéni we shixudiki kömür kanlarda gaz partlash weqesi yüz bérip, nurghun adem ölgen.

Xitay döletlik kömür kan bixeterlik nazaret qilish idarisining ashkarilishiche, mezkur idare bu yil ichide memliket boyiche az dégende 4000 kömürkanni bixeterlik sewebliridin taqashni pilanlimaqta iken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet