Уйғур аптоном районида кан вәқәси йүз бәрди


2006-05-26
Share

Уйғур аптоном райониниң пичан наһийисидики бир көмүр кенида пәйшәнбә күни зәһәрлик газ чиқип кетиш вәқәси йүз берип һазирғичә 8 адәм өлди. Бу трагидийә хитайниң җанға замин вә қалаймиқанчилиққа толған көмүрчилик санаитигә берилгән йәнә бир қетимлиқ зәрбә болди.

Хитай ахбарат агентлиқиниң хәвәр қилишичә, канчилар пәйшәнбә күни әтигәндә кан астида йүз бәргән партлаштин келип чиққан зәһәрлик газда тунҗуқуп қалған. Вәқә йүз бериштин бурун кан астида сеник бирикмилирини парчилаш үчүн партлитиш елип берилған вә партлитиштин 2 саәт кейин кан астидики зәһәрлик газ тарқалмай турупла ишчилар кан астиға чүшүрүлгән.

Җуңгода көмүр канларниң ишләпчиқиришни қоғлушуп бихәтәрликкә сәл қараш вәқәлири зор көләмдики өлүм - йитим һадисилирини кәлтүрүп чиқармақта. Хитайда кан ишчилири көпинчә йеза - қишлақлардин кәлгән тәҗирибисиз диһқанларни асас қилған. Техи йеқиндила хитайниң шәнши өлкисидә кан астини су бесип кетиш вәқәси йүз берип аз дигәндә 57 адәм өлгән вә из - дерәксиз йоқалған иди.

Бирләшмә ахбарат агентлиқиниң хәвәрқилишичә, пичандики көмүр канда йүз бәргән вәқәдә қутқузуш хизмити давам қилмақта. Лекин һазирғичә вәқәдә из дерәксиз йоқалғанлар байқалмиған. Бу вәқә йүз берип бир күн кейин җүмә күни хитай һөкүмити мәмликәт бойичә кичик типтики 21000 көмүр канниң 11000 ини қисқартилидиғанлиқини җакарлиди. Хитай һөкүмити 2005 - йили кичик типтики хәтәрлик көмүр канларни тақаш тоғрисида уқтуруш чүшүргән болсиму, лекин уйғур аптоном райони 2005 вә 2006 - йилниң қиш пәсили йеқилғу йетишмәслик сәвәбидин кичик типтики көмүр канларни тақимиған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт