Фукаңдики кан вәқәсидә 2 киши қаза қилди


2006-09-03
Share

Уйғур елиниң фукаң шәһиридики җинлоң көмүр канида 1‏-сентәбир күни зәһәрлик газ чиқиш вәқәси көрүлүп, шу сәвәптин кан астида мәшғулат қиливатқан 2 киши қаза қилған һәмдә ишчи вә қутқузуш хадимлиридин болуп 8 киши зәһәрләнгән.

Шинхуаниң хәвәр қилишичә, шу күни йәрлик вақит кәч саәт 11:30 ларда, бу көмүр кан қудуқида көмтүрүлүш вәқәси көрүлүп, узун өтмәйла зәһәрлик газ кан астини қаплап кәткән. Бу йәрдә ишләватқан ишчилар гәрчә қечишқа урунған болсиму, лекин зәһәрлик газ миқдариниң юқири болуши сәвәплик, зәһәрлинип һушидин кәткән.

Қутқузуш хадимлири уларни қутулдуруш үчүн қудуқ астиға чүшкәндә, 2 ишчи аллиқачан зәһәрлинип өлгән икән. Қалғанлири болса еғир дәриҗидә зәһәрләнгән. Улар һазир дохтурханида җиддий қутқузулмақта.

Җинлоң көмүрлүки әмдила йеңи қурулған бир көмүрлүк болуп, техи рәсмий ишләпчиқиришму елип бармиған. Кан астида ишләватқан бу ишчилар болса пәқәт қудуқ йоллириниң қурулуш ишлирини қиливатқан икән. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт