Санҗида кан вәқәси йүз берип йәттә адәм өлди


2007-08-14
Share

Уйғур ели йәрлик гезитлириниң сәйшәнбә хәвәр елан қилишичә, 11- авғуст күни санҗи шәһәр әтрапиға җайлашқан пумий көмүр канида гүмүрүлүш вәқәси йүз берип йәттә адәмниң өлүшигә сәвәб болған.

Хәвәргә қариғанда вәқә шәнбә күни шу җай вақти чүштин кейин икки әтрапида туюқсиз йүз бәргән болуп , кан үсти гөмүрүлгән җайдин газ етилип чиққан. Бу чағда техи кан астида ишләватқан алтә нәпәр кан ишчиси бесилип өлгән , еғир яриланған йәнә бири қутқузувелинған болсиму әмма техи дохтурханиға йетип бармай туруп җан өзгән.

Санҗи һөкүмәт торидин игилинишичә һазир бу көмүр кан иштин тохтутулуп бихәтәр ишләпчиқириш җәһәттин тәкшүрүлүватқан болуп , даириләр мәзкур кан гүмүрүлүш вәқәсиниң сәвәбини ениқлаш ишлири билән мәшғул икән.

Санҗи көмүр кан идариси башқурушидики мәзкур көмүр кан үрүмчи шәһиригә 50 километр узақлиқта болуп 1994 - йилидин башлап қурулушқа башлиған. 2005 - Йили бу кан шәншилик һөддигәрниң қолиға өткән. Хәвәрдә тәкитлинишичә вәқә йүз бәргән бу канниң барлиқ рәсмийәтлири толуқ болуп , йәрлик даириләрниң тәстиқлиши билән тоқсан миң тоннилиқ мәһсулат беридиған кан қилип кеңәйтилгән икән.

Хитайда қара хумдан вәқәлириниң арқа арқидин паш болушиға әгишип уйғур елидинму йеқиндин буян ишчиларни қул орнида ишләткән, һәмдә бихәтәр ишләпчиқириш өлчимигә тошмайдиған қанунсиз кан һәм хумданлар байқалмақта. Шуниңдәк мушуниңға охшаш кан вәқәлириниң йүз бериши пәвқуладдә көп көрүлмәктә. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт