Sanjida kan weqesi yüz bérip yette adem öldi


2007-08-14
Share

Uyghur éli yerlik gézitlirining seyshenbe xewer élan qilishiche, 11- awghust küni sanji sheher etrapigha jaylashqan pumiy kömür kanida gümürülüsh weqesi yüz bérip yette ademning ölüshige seweb bolghan.

Xewerge qarighanda weqe shenbe küni shu jay waqti chüshtin kéyin ikki etrapida tuyuqsiz yüz bergen bolup , kan üsti gömürülgen jaydin gaz étilip chiqqan. Bu chaghda téxi kan astida ishlewatqan alte neper kan ishchisi bésilip ölgen , éghir yarilan'ghan yene biri qutquzuwélin'ghan bolsimu emma téxi doxturxanigha yétip barmay turup jan özgen.

Sanji hökümet toridin igilinishiche hazir bu kömür kan ishtin toxtutulup bixeter ishlepchiqirish jehettin tekshürülüwatqan bolup , da'iriler mezkur kan gümürülüsh weqesining sewebini éniqlash ishliri bilen meshghul iken.

Sanji kömür kan idarisi bashqurushidiki mezkur kömür kan ürümchi shehirige 50 kilométr uzaqliqta bolup 1994 - yilidin bashlap qurulushqa bashlighan. 2005 - Yili bu kan shenshilik höddigerning qoligha ötken. Xewerde tekitlinishiche weqe yüz bergen bu kanning barliq resmiyetliri toluq bolup , yerlik da'irilerning testiqlishi bilen toqsan ming tonniliq mehsulat béridighan kan qilip kéngeytilgen iken.

Xitayda qara xumdan weqelirining arqa arqidin pash bolushigha egiship Uyghur élidinmu yéqindin buyan ishchilarni qul ornida ishletken, hemde bixeter ishlepchiqirish ölchimige toshmaydighan qanunsiz kan hem xumdanlar bayqalmaqta. Shuningdek mushuninggha oxshash kan weqelirining yüz bérishi pewqul'adde köp körülmekte. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet