Uyghurlar kanadada yighin échip, sherqiy türkistan mesilisini muzakire qilidu


2005.05.02
Share on WhatsApp
Share on WhatsApp

Dunyaning her qaysi jayliridiki Uyghurlar 15 - mayda kanadaning toronto shehirige yighilip, sherqiy türkistan mesilisi we Uyghurlarning kishilik hoquq ehwalini muzakire qilidu.

Dunya Uyghur qurultiyidiki da'irilerning ashkarilishiche, yighinning témisi bir qeder mezmun'gha ige bolup, muzakire témisi Uyghurlarning kishilik hoquqi, diniy, iqtisadi, medeniyet we siyasi mesililerge chétilidiken. Eger yighin muwapiqyetlik ötküzülse, bu Uyghurlarning kanadada tunji qétim xelq'ara yighin chaqirishi bolup qalidu. Yighin'gha kanada Uyghur jem'iyiti sahipxanliq qilidiken.

Kanada Uyghur jem'iytidiki da'irilerning ashkarilishiche, xitay hökümitining kanadagha bésim ishlitishi yaki bezi wekillerning yighin'gha kélishige tosqunluq qilishidin ensirep, yighinning xewirini emdi élan qilghan. Kanada Uyghur jem'iyitining re'isi muhemmed toxti, yighinni kanadada chaqirishtiki sewepler heqqide toxtilip," eng muhimi kanada hökümitige Uyghurlarning kishilik hoquq mesilisi kanada köngül bölidighan mesililerdin biri ikenlikini uqturush" dep körsetken. Kanada xitay hökümiti bilen kishilik hoquq di'alogi bar döletlerning biri. Yighin échilishtin ilgiri wekiller aldi kanada paytexti otawagha yighilidiken shundaqla bu yerde kanada parlaménti we fédiral hökümitidiki munaswi'etlik da'iriler bilen uchrushidiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet