Kanada bilen xitay "shinjang" da kömür gaz métan menbelirini échish kélishimi imzalidi

Xitayning birleshme kömür gaz mitan cheklik shirkiti bilen kanadani baza qilghan térra west énérgiye kopiratipi, 2005 - yili 30 - dékabir küni Uyghur aptonom rayonining merkizi ürümchi etrapidiki lyu xu'angguda kömür gaz mitan bayliqini hemkarliship échish türi boyiche kélishim imzalidi. Lyu xu'angguning gherbiy ürümchi deryasi, jenubiy jungghar oymanliqigha tutishidu.

Shinxu'a axbarat agéntliqining tekitlishiche, bu Uyghur aptonom rayonida mezkur tür boyiche chet'ellikler bilen imzalan'ghan tunji kélishim bolup hésablinidiken. Shérik terepler ishlepchiqarghan mehsulatining bazar tapidighanliqi shundaqla buning tarim - shangxey gaz turubisi bilen pütünlisheleydighanliqigha ishenmekte.

Kélishim boyiche qidirish basquchida kétidighan barliq chiqimni kanada terep üstige alghan. Lyu xu'angguda 34 milyard 600 milyon kup métir kömür gazi we mitan zapisi bar bolup, 654 kwadrat kilométir da'irige tarqalghan. Bu türge 6 milyon dollar meblegh sélinishi mumkin.

Térra west énérgiye kopiratipi norwest kopiratipining shöbe shirkiti bolup, xitayda kömür gaz we métan menbelirini échish kespi bilen shughullinidu. Kélishimni tenqid qilghuchilar, bu xil hemkarliq türlirining yerliklerge menpe'et yetküzmeydighanliqini we muhitni bulghaydighanliqini eskertmekte. (Erkin)