Канаданиң хитайда турушлуқ баш әлчиси исмаил тиливалди билән көрүшти


2006-11-02
Share

Канаданиң хитайдики баш әлчиси ролланд әпәнди уйғур елидә ,хитай һөкүмитииниң аптоном районлуқ һөкүмәткә тәйинлигән әмәлдари исмайил тиливалди билән көрүшти.

Тәңритағ ториниң пәйшәнбә күни бәргән хәвиригә қариғанда, исмаил тиливалди, ролланд әпәндигә чәтәлләрдә паалийәт елип бериватқан уйғур тәшкилатлири оттуриға қоюватқан ишсизлиқ, милләтләр арисидики зиддийәт күчийиватқан, диний әркинлик контрол қилиниватқан, маарип хитайчилаштуриливатқан бир вәзийәтниң әксичә чүшәндүрүш берип, "аптуном районимизниң иқтисадий вә иҗтимаи тәрәққияти яхши, милләтләр иттипақ, биз канада карханлирини мәбләғ селишқа , ортақ тәрәққий тепишқа чақиримиз" дегән.

Канада пуқраси һүсийин җелил, өзбекистанда хитайлар тәрипидин қолға елинип, һазир уйғур елидики мәлум бир түрмидә қамалған болуп, канада һөкүмити һүсийин җелил мәсилиси үстидә хитай даирилири билән көрүшүп, уни дәрһал канада тәвәликигә қайтуруп беришни тәләп қилған болсиму , әмма хитай тәрәп буниңға һечқандақ инкас қайтурмай кәлди.

Көзәткүчиләр , канаданиң хитайдики баш әлчиси ролланд әпәндиниң бу қетим уйғур елидики зияритини, һүсийин җелил мәсилиси билән мунасивәтлик болуши мумкин дәп қарашмақта. Әмма бу һәқтә мәтбуатларда һечқандақ учур берилмиди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт