Kanadaning xitayda turushluq bash elchisi isma'il tiliwaldi bilen körüshti


2006.11.02
Share on WhatsApp
Share on WhatsApp

Kanadaning xitaydiki bash elchisi rolland ependi Uyghur élide ,xitay hökümiti'ining aptonom rayonluq hökümetke teyinligen emeldari ismayil tiliwaldi bilen körüshti.

Tengritagh torining peyshenbe küni bergen xewirige qarighanda, isma'il tiliwaldi, rolland ependige chet'ellerde pa'aliyet élip bériwatqan Uyghur teshkilatliri otturigha qoyuwatqan ishsizliq, milletler arisidiki ziddiyet küchiyiwatqan, diniy erkinlik kontrol qiliniwatqan, ma'arip xitaychilashturiliwatqan bir weziyetning eksiche chüshendürüsh bérip, "aptunom rayonimizning iqtisadiy we ijtima'i tereqqiyati yaxshi, milletler ittipaq, biz kanada karxanlirini meblegh sélishqa , ortaq tereqqiy tépishqa chaqirimiz" dégen.

Kanada puqrasi hüsiyin jélil, özbékistanda xitaylar teripidin qolgha élinip, hazir Uyghur élidiki melum bir türmide qamalghan bolup, kanada hökümiti hüsiyin jélil mesilisi üstide xitay da'iriliri bilen körüshüp, uni derhal kanada tewelikige qayturup bérishni telep qilghan bolsimu , emma xitay terep buninggha héchqandaq inkas qayturmay keldi.

Közetküchiler , kanadaning xitaydiki bash elchisi rolland ependining bu qétim Uyghur élidiki ziyaritini, hüsiyin jélil mesilisi bilen munasiwetlik bolushi mumkin dep qarashmaqta. Emma bu heqte metbu'atlarda héchqandaq uchur bérilmidi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet