Турпан каризлирини римонт қилиш вә әслигә кәлтүрүш қурулуши елип берилиду


2005-06-03
Share

Хитай һөкүмити, уйғур аптоном райониниң турпан районида йоқилиш алдидики қәдимқи йәр асти суғуруш системиси каризни әслигә кәлтүрүш вә римонт қилиш қурулушиға 11 милйон доллар аҗратқанлиқини җакарлиди.

Хитай һөкүмитиниң зувани шинхуа ахбарат агентлиқиниң хәвәр қилишичә, турпан районидики 440 каризни римонт қилиш вә әслигә кәлтүрүшкә 3 йил вақит кетидикән.

Аптоном районлуқ кариз җәмийити өткән йили 5 - айда каризларниң һазирқи сүрәт билән маңса кәлгүси 20 йил ичидә пүтүнләй қуруп кетидиғанлиқини агаһландурған иди. Кариз җәмийитиниң доклатида көрситилишичә, һазир һәр йили 23 кариз қуруп кәтмәктикән. Турпан районидики каризниң сани 1950 - йилларда 1800 әтрапида болуп, әмма һазир бу сан 600 гә чүшүп қалған.

Мутәхәссисләр, каризниң қутуп кетишигә йәр сүйини қалаймиқан қезиш, сүний нупусниң көпийиши қатарлиқ амиллар сәвәп боливатқанлиқини билдүрмәктә. Һөкүмәтниң пиланини тәнқид қилғучилар, каризни римонт қилиш вә әслигә кәлтүрүш билән қоғдап қалғили болмайду, дәп қарайдикән.

Тәнқид қилғучилар, каризниң қуруп кетишидики сәвәпләр су мәнбәәсиниң йитишмәйватқанлиқида, дәп көрсәтмәктә. Уларниң тәкитлишичә, сүний нопусниң көпийишини чәкләш, суға болған иҗһтияҗдики артишни тезгинләш шундақла йәр асти суни қалаймиқан ечишни тохтитиш, каризниң қоғдап қелишниң әң илмий усуликән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт