Turpan karizlirini rimont qilish we eslige keltürüsh qurulushi élip bérilidu


2005.06.03
Share on WhatsApp
Share on WhatsApp

Xitay hökümiti, Uyghur aptonom rayonining turpan rayonida yoqilish aldidiki qedimqi yer asti sughurush sistémisi karizni eslige keltürüsh we rimont qilish qurulushigha 11 milyon dollar ajratqanliqini jakarlidi.

Xitay hökümitining zuwani shinxu'a axbarat agéntliqining xewer qilishiche, turpan rayonidiki 440 karizni rimont qilish we eslige keltürüshke 3 yil waqit kétidiken.

Aptonom rayonluq kariz jem'iyiti ötken yili 5 - ayda karizlarning hazirqi sür'et bilen mangsa kelgüsi 20 yil ichide pütünley qurup kétidighanliqini agahlandurghan idi. Kariz jem'iyitining doklatida körsitilishiche, hazir her yili 23 kariz qurup ketmektiken. Turpan rayonidiki karizning sani 1950 - yillarda 1800 etrapida bolup, emma hazir bu san 600 ge chüshüp qalghan.

Mutexessisler, karizning qutup kétishige yer süyini qalaymiqan qézish, sün'iy nupusning köpiyishi qatarliq amillar sewep boliwatqanliqini bildürmekte. Hökümetning pilanini tenqid qilghuchilar, karizni rimont qilish we eslige keltürüsh bilen qoghdap qalghili bolmaydu, dep qaraydiken.

Tenqid qilghuchilar, karizning qurup kétishidiki sewepler su menbe'esining yitishmeywatqanliqida, dep körsetmekte. Ularning tekitlishiche, sün'iy nopusning köpiyishini cheklesh, sugha bolghan ijhtiyajdiki artishni tézginlesh shundaqla yer asti suni qalaymiqan échishni toxtitish, karizning qoghdap qélishning eng ilmiy usuliken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.