Ismayil téléwaldi, nur bekriler xitay penler akadémiyisi bilen meslihet élish kélishimi imzalighan
2007.03.21
Uyghur aptonom rayonliq hökümetning tor bétidin melum bolushiche, aptonom rayon re'isi ismayil téliwaldi, partkom mu'awin sékritari nur bekriler 3 - ayning 16 -küni béyjingda, xitay penler akadémiyisining partiye guruppa bashliqi lu yongshang bilen meslihet élish kélishimi imzalighan, bu kélishimning nami "pen-téxnika hemkarliq kélishimi" dep atalghan. Bu kélishimning mezmuni Uyghur aptonom rayonining tebi'iy bayliqlirini échish -tereqqiy qildurushtiki hel qilghuch mesililerde xitay penler akadémiyisidin meslihet élish, uning körsetmisi buyiche ish qilishtin ibaret. Kélishim buyiche, buningdin kéyin Uyghur aptonom rayuni xitay penler akadémiyisining Uyghur yurtlirida tetqiqat merkizi qurush, tejribixana qurush, néfit , kan sana'itini tereqqi qildurush, déhqanchiliq, charwichiliq, baghwenchilik, ormanchiliq saheliride yerlik alahide mehsulatlarni ishlepchiqirish qatarliq téxnika pa'aliyetliri üchün asanliq yaritip béridiken.
Xitay kommunist partiyi'isning Uyghur aptonom rayonigha belgiligen emeldari wang léchu'en bu kélishimni "shinjangni pen -téxnika bilen güllendürüsh" kélishimi dep atighan we bu kélishim aptonom rayonining 11 - besh yilliq pilanidiki körsetküchlerni orunlishini ilgiri süridu, dégen.
Chet'ellerde turuwatqan Uyghurlar ismayil téliwaldi bilen nur bekrini xitay hökümitining Uyghur xelqini "üch xil küchler" dégen bednam bilen basturushi we Uyghurxelqining medeniyet en'enisini xitaylashturushi üchün xizmet körsitiwatqan erbablar dep qarap kelmekte. (Weli)
Munasiwetlik maqalilar
- Nur bekri: "shinjangning muqimliqini küzde tutup, shinjangni chet'ellerge teshwiq qilishni kücheytish kérek"
- Dunya Uyghur qurultiyi isma'il tiliwaldining bayanlirigha reddiye berdi
- Uyghur aptonom rayon wekilliri ikki chong yighinda néme üchün hashar siyasitini yoq qilishni otturigha qoymaydu?
- Uyghur ilidin kelgen wekiller ning xitaydiki "ikki chong yighin "gha sun'ghan teklipliri
- Uyghur élining wekilliri Uyghurlar menpe'eti üchün sözliyelemdu?