Uyghur aptonom rayonining losigong baziri kelkünning hujumigha uchridi


2005.06.14
Share on WhatsApp
Share on WhatsApp

Uyghur aptonom rayonining ili wilayiti tewelikidiki losigong baziri, düshenbe küni kelkünning hujumigha uchridi. Weqede 3 adem ölgen 4 kishi yarilan'ghan. Kelkünde weyran bolghan öylerning sani nechche on'gha yétidiken. Rayondiki su insha'at esliheliri éghir buzghunchiliqqa uchrighan.

Ilidiki su insha'at da'irilirining bildürüshiche, kelkün apiti yamghurning köp yéghishidin kélip chiqqan bolup, bu losigong bazirida yéqinqi 50 yildin béri yüz bergen eng éghir kelkün apiti hésablinidiken.

Losigongdiki kelkün apiti yéqinqi bir aydin béri xitay boyiche arqa - arqidin yüz bergen su apetlirining bir qisimi. Buningdin bir qanche kün ilgiri xitayning xéylongjang ölkisidiki shalen yézisida yüz bergen kelkün apitide, mezkur yézidiki bir bashlan'ghuch mekteb su astida qalghan. Weqede mektebtiki 95 neper oqughuchi ölgen idi.

Fransiye axbarat agéntliqining xewer qilishiche, da'iriler seyshenbe küni shalendiki ikki yéza emeldarini qolgha élip, ularni mes'uliyetsizlik qilish bilen eyiplidi. Qolgha élin'ghanlar shalen yéziliq partkomning sékritari bilen yézidiki saqchi ponkitining bashliqi iken. Shu jaydiki jiddi qutquzush da'irilirining shikayet qilishiche, weqe yüz bergende yardemge ihtiyaj kishiler yéza partkomi we saqchi ponkitidikilerni tapalmighan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.