Süydungdiki kelkün apitide 4 kishi qaza qildi

Uyghur élining ili wilayiti süydung nahiyiside yüz bergen kelkün apitide ölgenlerning sani charshenbe küni 4 ke yetken hemde 4 kishi yarilan'ghan we 1 ining iz dériki tépilmighan.

Radi'omizning igiligen melumatigha asaslan'ghanda, 13 - iyun küni yaghqan qattiq yamghur sewebidin süydung nahiyisining köp qisim jaylirini kelkün élip ketken bolup, bu mezkur rayondiki 50 yildin buyanqi eng chong kelkün bolup hésablinidiken.

Kelkün apitining tesiride yene, 300 din oshuq öyler örülüp chüshken hemde tok we su éliktir istanssiliri éghir buzghunchiliqqa uchrighan. Shundaqla nurghun qatnash yolliri pütünley üzülüp qalghan. Nöwette munasiwetlik orunlar qutquzush ishlirini dawamlashturmaqta.

Uyghur élide bu yilning ichide yüz bergen kelkün apitide hazirghiche 20 kishi qaza qilghan hemde bu sewebtin 100 milyondin oshuq biwaste iqtisadiy ziyan kélip chiqqan. (Peride)