Altuntaghdiki qattiq yamghur apitide lopnur kölige kelkün keldi


2005-07-11
Share

Xitay merkiziy xewer agéntliqining ürümchidin bildürüshiche, yéqindin buyan altuntagh tizmilirida üzülmey yaqqan qattiq yamghur chaqiliq we washsheri deryalirida kelkün apitini peyda qilghan. Kelkün süyi altuntaghning shimalidiki lopnur kölige quyulushqa bashlighan.

Shu jayda meshghulat élip bériwatqan, aptonum rayonluq dala aptomobil pa'aliyiti jem'iyitining katipi chin junglyang muxbirgha téléfonda bergen melumatida "lopnur kölining merkizi qismi sugha toldi. Etraptin kelkün sular éqip kelmekte. Bu méning köp yillardin buyan tunji qétim lopnurda su körüshüm", dégen.

2005 - Yilliq aptomobil dala musabiqisining deslepki yol tekshürgüchi xadimliri 9 - iyul küni, eyni chaghda xitay arxé'ologi ping jyamu yoqap ketken jaygha 12 kilométir qalghan yerge kelgende kelkünning hujumigha uchrighan. Netijide lopnur bazirigha chékinishke mejbur bolghan bolsimu, emma yenila kelkünning qorshawida qélip igiz bir töpilikte mudapi'elen'gen. Ular bu yerde ikki kündüz, bir kéche qapsilip qalghan. Kéyin lopnur bazarliq hökümet bilen alaqiliship, miren baziri terepke ilgirilep xeterdin saqlinip qalghan.

Xewerdin melum bolushiche, lopnur kölige quyuliwatqan kelkün süyi bügün'giche téxi toxtimighan. (Iltebir)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet