Turpan rayoni kelkün apitige uchridi


2005.08.09

Uyghur élidiki radi'o tor bétining xewirige qarighanda, 6 - awghust küni turpan shehirige qarashliq yette yéza, ikki kent we ikki meydan'gha, qattiq yamghur netijiside kelkün kélip, yerlik xelqning amanliqi hemde mal - mülkige éghir ziyanlarni élip kelgen.

Deslepki melumatlargha asaslan'ghanda, bu rayonda 6 - awghusttin bashlap 26 sa'ettek uda qattiq yamghur yaqqan. Turpan shehiri chatqal yézisidiki 200 din artuq ahalining öyliri taghdin tuyuqsiz kelgen kelkünning hujumigha uchrighan. Bextke yarisha hazirgha qeder ölüm - yétim yaki éghir yarilinish ehwalliri körülmigen bolsimu, emma üzüm tekliri, kéwezlikler, étiz- ériq hemde bagh waranlar su astida qalghan.

Xewerde yene, kelkün dawamida 312 - nomurluq dölet tashyoli shuningdek éléktir, su, köwrük qatarliq eslihelerningmu buzghunchiliqqa uchrighanliqi melum qilin'ghan.

Weqe yüz bérip 3 kündin kéyin yeni 9 - awghust küni sa'et 17 din ashqanda mezkur kelkün heqqide deslepki xewirini bergen shinjang xewerliri tor béti, yerlik hökümet da'irilirining apettin qutquzush qumandanliq shtabi qurup qutquzush buyumlirini yetküzmekchi bolghanliqini melum qilghan. (Iltebir)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.