Uyghur élidiki 187 ming kishi kelkün tesirige uchridi

Uyghur élida 6 - awghusttin bashlap uda yaghqan yamghur sewebidin, ürümchi, sanji we turpan qatarliq jaylar kelkün tesirige uchrap, 187 mingdin köp adem kelkün apitide qalghan.

Tengritagh xewer torining melumatigha qarighanda, kelkünde hazirghiche 4 ademning ölgenliki bayqalghan. Lékin yoqap ketkenlerning sani téxi éniq emes. Kelkün sewebidin yene, bu rayonlarda 10 mingdin oshuq öyler örülüp chüshüp, nurghun térilghu yerler weyran bolghan. Shundaqla ürümchi, sanji we turpan qatarliq jaylarda qatnash, su insha'ati hemde qatnash yolliri buzghunchiliqqa uchrighan.

Uyghur aptonom rayonluq xelq ishliri nazaritining melum qilishiche, Uyghur élining gherbiy shimalida bundaq zor kelkün apitining yüz bérishi kem uchraydighan bolup, bolupmu turpan tewelikide bu, 50 yildin buyan körülüp baqmighan eng éghir kelkün apiti hésablinidiken. (Peride)