ئۇيغۇر ئېلىدە كەلكۈن داۋاملاشماقتا


2005-08-14
Share

ئۇيغۇر دىيارىنىڭ ئىلى ۋىلايىتىدىكى رايونلاردا ئۈزلۈكسىز ياققان يامغۇر، كەلكۈن ۋە لاي لاتقىسىنىڭ كۆچۈشىنى مەيدانغا كەلتۈرۈپ، قۇرۇلۇش مەيدانى ۋە تاش يوللارنىڭ بۇزۇلۇشىغا يول ئاچقان.

مەركىزى ئاگېنتلىقنىڭ 14 - ئاۋغۇست كۈنى تەيبېيدىن بەرگەن خەۋىرىگە قارىغاندا 11 - ئاۋغۇستتىن بۈگۈنگە قەدەر داۋاملاشقان يامغۇر كەلكۈنگە ئايلىنىپ، شىمالىي تەڭرى تاغ قۇرۇلۇش ئەترىتى ۋە كۆۋرۈك قۇرۇلۇشى ئەترىتىنىڭ قۇرۇلۇش بۇيۇملىرى شۇنىڭدەك ماشىنا ئۈسكۈنىلىرىنى ئېقىتىپ كەتكەن. بۇنىڭدىن كېلىپ چىققان بىۋاستە ئىقتىسادىي زىيان 5 مىليون يۈئەندىن ئېشىپ كەتكەن.

نۆۋەتتە يۇقىرىدا تىلغا ئېلىنغان ئىككى قۇرۇلۇش ئەترىتىنىڭ 1000 دىن ئارتۇق ئىشچىسى كىچىك بىر قۇرۇقلۇققا قامىلىپ قالغان بولۇپ، ئىلى ۋىلايەتلىك يەرلىك ھۆكۈمەت، ئۇلارغا ئاشلىق ۋە كۆك - تات يەتكۈزۈپ بەرگەن. مۆلچەرلەشلەرگە قارىغاندا يەنە 3 كۈندىن كېيىن، ئىشچىلار بۇ يەردىن قۇتۇلۇپ چىقالايدىكەن. (ئەقىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت