Уйғур елидә кәлкүн давамлашмақта

Уйғур дияриниң или вилайитидики районларда үзлүксиз яққан ямғур, кәлкүн вә лай латқисиниң көчүшини мәйданға кәлтүрүп, қурулуш мәйдани вә таш йолларниң бузулушиға йол ачқан.

Мәркизи агентлиқниң 14 - авғуст күни тәйбейдин бәргән хәвиригә қариғанда 11 - авғусттин бүгүнгә қәдәр давамлашқан ямғур кәлкүнгә айлинип, шималий тәңри тағ қурулуш әтрити вә көврүк қурулуши әтритиниң қурулуш буюмлири шуниңдәк машина үскүнилирини еқитип кәткән. Буниңдин келип чиққан бивастә иқтисадий зиян 5 милйон йүәндин ешип кәткән.

Нөвәттә юқирида тилға елинған икки қурулуш әтритиниң 1000 дин артуқ ишчиси кичик бир қуруқлуққа қамилип қалған болуп, или вилайәтлик йәрлик һөкүмәт, уларға ашлиқ вә көк - тат йәткүзүп бәргән. Мөлчәрләшләргә қариғанда йәнә 3 күндин кейин, ишчилар бу йәрдин қутулуп чиқалайдикән. (Әқидә)