Ilida kelkün kélip nechche ming kishige tesir körsetti

Ili rayonida yaghqan qar sewebidin ili deryasi yüzide qatqan muzlar derya süyining téship kétishini keltürüp chiqirip, bu rayondiki 1400 din oshuq ahalige tesir körsetti.

Tengritagh xewer torining melum qilishiche, kelkün sewebidin bu yerdiki ahalilerning 286 éghizdin oshuq öyini su bésip ketken hetta bu yerdiki bir mektep we tibabetchilik ornimu kelkün tesirige uchrighan. Netijide 75 a'ililik pütünley öysiz qalghan.

Ili wadisida 9‏-yanwardin 11‏-yanwarghiche uda qar yaghqan bolup, uninggha qoshulup témpratorining téz töwenlep kétishi sewebidin muzlar ili deryasining chapchal nahiyisi etrapidiki süyini tashuriwetken. Nöwette munasiwetlik orunlar qutquzush ishlirini élip bérish bilen birge, muzlarni parchilash arqiliq suning téship kétishini kontrol qilishqa tirishmaqta.

Lékin bu rayonlar hazir bek soghaq bolghachqa, kelkün tesirige uchrighan ahalilerge qiyin bolghan hemde kelkün sewebidin charwa-mallarning yem-xeshekliri höl bolup ketken hetta bezi toxu we qoylar soghaqta tonglap ölgen. (Peride)