Atushta kelkün apiti yüz berdi


2006.05.31
Share on WhatsApp
Share on WhatsApp

29‏- Maydin buyan uda yaghqan yamghur seweblik qizilsu qirghiz aptonom oblastining atush shehiride kelkün apiti yüz bérip, nurghun öyler we déhqanchiliq meydanliri weyran boldi.

Xitay xewer agéntliqining melum qilishiche, asasliq kelkün merkizi atush shehiri bolup, bu yerdin ötidighan 100 métirgha yéqin tömür yol rélisliri kelkünde weyran bolghan. Shundaqla bir qisim tash yollarnimu kelkün élip ketkechke, nurghun yoluchilar aptomobilliri we yük mashiniliri bu yerde qamilip qalghan.

Qizilsu qirghiz aptonom oblastliq partkom da'iriliri, kelkün apitige eng éghir uchrighan jay atush shehirining kattaylaq yézisi bolup, bu yézidiki 50% öylerni su bésip ketkenlikini bildürgen. Buningdin bashqa yene, 500 modin köp kéwezlik we qoghun chünekliri weyran bolghan.

Buningdin 3-4 kün awal qar-muzlarning érishi netijiside , Uyghur élining shimalidiki altay shehirigimu kelkün kélip, qatnash yollirini buzghan hemde bu yerdiki bir qisim köwrüklernimu oxshimighan derijide weyran qilghan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.