Ili derya wadisida yüz bergen kelkünde 3 kishi qaza qildi


2006.06.18
Share on WhatsApp
Share on WhatsApp

Ili derya wadisida yüz bergen kelkün apitide ghulja, toqquztara, künes we nilqa nahiyiliri éghir tesirge uchrap, 3 kishi qaza qildi hemde apet ziyinigha uchrighan xelq 18 mingdin ashti.

Tengritagh xewer torining melum qilishiche, bu kelkün apiti, ili derya wadisida 14‏- iyon künidin bashlap uda yaghqan yamghur sewebidin yüz bergen hemde buninggha qoshulup taghlardin lay-latqilarning sérilish ehwalimu körülgen. Ölgenlerning biri ghulja nahiyisidin qalghan ikkisi bolsa toqquztara nahiyisining tashtöpe yézisidin iken. Lékin xewerde ularning milliti bérilmigen.

Hazirghiche apet sewebidin kélip chiqqan biwaste iqtisadiy ziyan 217 minggha yéqinlashqan. Shundaqla 1400 géktargha yéqin déhqanchiliq meydani apet tesirige uchrap, mingdin oshuq charwa mal ölgen.

Yéqinqi bir nechche yildin buyan Uyghur élide kelkün, qum borini qatarliq apetler bir qeder köp körülgen bolup, mutexesssiler buning muhitning bulghinishi we dunya iqlimining issishi qatarliqliq ékilogiyilik amillar sewebidin kélip chiqqan bolishi mumkinlikini körsetmekte. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet