ئۇچتۇرپان كەلكۈن ئاپىتىدە قالدى


2007-08-21
Share

شىنخۇئا ئاگېنتلىقىنىڭ -21 ئاۋغۇست تارقاتقان خەۋىرىگە قارىغاندا 20- ئاۋغۇست دۈشەنبە كۈنى كەچ سائەت 6ئەتراپىدا ئۇيغۇر ئېلىنىڭ ئۇچتۇرپان ناھىيىسىگە قارايدىغان ياركۆۋرۈك يېزىسىدا تۇيۇقسىز ياققان قارا يامغۇردىن كېيىن كەلكۈن ئاپىتى يۈز بەرگەن.

ھازىرغىچە مەلۇم بولۇشىچە 138 دېھقان ئائىلىسى ئاپەتتە قالغان ، ئۇلارنىڭ ئارىسىدا 72 سىنىڭ ئۆيى ئۆرۈلگەن. ئەمما ئۆلۈم يېتىم ھادىسىسى كۆرۈلمىگەن.

مەلۇم بولۇشىچە ئۆيلىرى ئۆرۈلۈپ ئېغىر ئاپەتتە قالغان دېھقانلار ھازىرچە يېزىنىڭ باشلانغۇچ مەكتىپىگە ۋاقىتلىق تىكىلگەن ئەللىك ئەتراپىدىكى چېدىرلارغا ئورۇنلاشتۇرۇلغان . شۇنداقلا يەرلىك ھۆكۈمەتنىڭ بىر قىسىم ئاپەتتىن قۇتقۇزۇش بويۇملىرىنى تاپشۇرۇۋالغان.

ئۇچتۇرپان ناھىيىسىنىڭ ھاكىمى قۇربان تۇرسۇن مۇخبىرغا ، ناھىيىلىك ھۆكۈمەتنىڭ ئاپەتتە قالغان دېھقانلارنى ئۇزۇن مۇددەتلىك قۇتقۇزۇش ئىشلىرىنى ئۈچ كۈن ئىچىدە پىلانلاپ يولغا قويىدىغانلىقىنى ، ھەر بىر ئائىلىگە 50 كۋادرات مېتىر ئۆلچەم بىلەن يەر تەۋرەشكە چىداملىق ئۆيلەرنى سېلىپ بېرىدىغانلىقى مەزكۇر پىلاننى ئۆكتەبىرنىڭ ئوتتۇرىغا قالماي ئەمەلىيلەشتۇرىدىغانلىقىنى ۋەدە قىلغان. ئۇچتۇرپان ناھىيىسىنىڭ ياركۆۋرۈك ئۇيغۇر ئېلىدىكى نامرات ھەم ئاپەت تولا يۈز بېرىدىغان ئۇيغۇر يېزىلىرىنىڭ بىرى. ئىلگىرى يەرلىك دائىرىلەر بۇ جايدا بارلىق دېھقانلارنىڭ يەر تەۋرەشكە چىداملىق ئۆيلەرگە كۆچۈرۈلگەنلىكىنى خەۋەر قىلغان ئىدى.(گۈلچېھرە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت