Учтурпан кәлкүн апитидә қалди


2007-08-21
Share

Шинхуа агентлиқиниң -21 авғуст тарқатқан хәвиригә қариғанда 20- авғуст дүшәнбә күни кәч саәт 6әтрапида уйғур елиниң учтурпан наһийисигә қарайдиған яркөврүк йезисида туюқсиз яққан қара ямғурдин кейин кәлкүн апити йүз бәргән.

Һазирғичә мәлум болушичә 138 деһқан аилиси апәттә қалған , уларниң арисида 72 синиң өйи өрүлгән. Әмма өлүм йетим һадисиси көрүлмигән.

Мәлум болушичә өйлири өрүлүп еғир апәттә қалған деһқанлар һазирчә йезиниң башланғуч мәктипигә вақитлиқ тикилгән әллик әтрапидики чедирларға орунлаштурулған . Шундақла йәрлик һөкүмәтниң бир қисим апәттин қутқузуш боюмлирини тапшурувалған.

Учтурпан наһийисиниң һакими қурбан турсун мухбирға , наһийилик һөкүмәтниң апәттә қалған деһқанларни узун муддәтлик қутқузуш ишлирини үч күн ичидә пиланлап йолға қойидиғанлиқини , һәр бир аилигә 50 квадрат метир өлчәм билән йәр тәврәшкә чидамлиқ өйләрни селип беридиғанлиқи мәзкур пиланни өктәбирниң оттуриға қалмай әмәлийләштуридиғанлиқини вәдә қилған. Учтурпан наһийисиниң яркөврүк уйғур елидики намрат һәм апәт тола йүз беридиған уйғур йезилириниң бири. Илгири йәрлик даириләр бу җайда барлиқ деһқанларниң йәр тәврәшкә чидамлиқ өйләргә көчүрүлгәнликини хәвәр қилған иди.(Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт