Uchturpan kelkün apitide qaldi


2007-08-21
Share

Shinxu'a agéntliqining -21 awghust tarqatqan xewirige qarighanda 20- awghust düshenbe küni kech sa'et 6etrapida Uyghur élining uchturpan nahiyisige qaraydighan yarköwrük yézisida tuyuqsiz yaqqan qara yamghurdin kéyin kelkün apiti yüz bergen.

Hazirghiche melum bolushiche 138 déhqan a'ilisi apette qalghan , ularning arisida 72 sining öyi örülgen. Emma ölüm yétim hadisisi körülmigen.

Melum bolushiche öyliri örülüp éghir apette qalghan déhqanlar hazirche yézining bashlan'ghuch mektipige waqitliq tikilgen ellik etrapidiki chédirlargha orunlashturulghan . Shundaqla yerlik hökümetning bir qisim apettin qutquzush boyumlirini tapshuruwalghan.

Uchturpan nahiyisining hakimi qurban tursun muxbirgha , nahiyilik hökümetning apette qalghan déhqanlarni uzun muddetlik qutquzush ishlirini üch kün ichide pilanlap yolgha qoyidighanliqini , her bir a'ilige 50 kwadrat métir ölchem bilen yer tewreshke chidamliq öylerni sélip béridighanliqi mezkur pilanni öktebirning otturigha qalmay emeliyleshturidighanliqini wede qilghan. Uchturpan nahiyisining yarköwrük Uyghur élidiki namrat hem apet tola yüz béridighan Uyghur yézilirining biri. Ilgiri yerlik da'iriler bu jayda barliq déhqanlarning yer tewreshke chidamliq öylerge köchürülgenlikini xewer qilghan idi.(Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet