Altayda yüz bergen kelkün apiti, yerliklerning turmushigha qiyinchiliqlarni élip keldi


2005-06-02
Share

Altay shehiri we uning etrapidiki nahiyiler kelkün apitining zerbisige uchridi.

Öz muxbirimizning igiligen xewirige qarighanda, charshenbe künidiki kelkün apitining tesirige altayning burchin we qaba nahiyiliri eng qattiq uchrighan. Burchin nahiyisige qiyan kelgenliktin, taghliq rayonlardiki 3000 dek kishi öz makanliridin ayrilip, bixeter rayonlargha köchüshke mejbur bolghan.

Altay sheher ichidimu qatnash we uchur- alaqe ishliri waqtinche üzülüp qalghan. Xitay hökümet da'irilirining toluq bolmighan sitatistikilirigha qarighanda, kelkünde hazirghiche ölüm- yitim weqeliri körülmigen bolsimu, biraq sheher ichidila 300 din artuq öy xeterlik öyge aylinip, mal-waranlar éqip ketken. Biwaste iqtisadiy ziyan sekkiz milyon yü'en'ge yetken. Biraq kelkünning tesirige éghir uchrighan burchin we qaba nahiyiliridiki ziyanlar istatistika qilinmaqta iken.

Igilishimizche, peyshenbe küni altayning taghliq rayonlirida yamghur toxtimay yéghiwatqan bolup, bu kelkünni tézginlesh ishlirigha qiyinchiliq tughdurmaqta. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet