Kériye nahiyiside yash‏- ösmürlerning idiyisini tekshürüsh herikiti kücheytilmekte


2006.02.23
Share on WhatsApp
Share on WhatsApp

Kériye ammiwi uchur tor béti 23 ‏- yanwar küni, ittipaq ezalirining ikkinchi qétimliq ilgharliq terbiyisini kücheytish herikitini bashliwetkenlikini élan qildi.

Xitay hökümiti, xoten wilayitining kériye nahiyiside " alte yashtin qiriq yashqiche" bolghan kishilerning idiyiwiy ehwali üstide keng kölemde tekshürüsh élip bérish herikiti qozghighan bolup, bu heriket, yash - ösmürlerning qanunsiz diniy pa'aliyetlerge qatnashqan‏- qatnashmighanliqini tekshürüshni asas qilghan.

Dunya Uyghur qurultiyining bayanatchisi dilshat rishit, bir qanche kün ilgiri fransiye agéntliqi we istansimizning ziyaritini qobul qilip, kériye nahiyiside kücheytilgen mezkür heriketning, sherqiy türkistanning ay yultuzluq kök bayriqini kériye nahiyisge tiklep qoyghanliq weqesi sewebidin meydan'gha kelgenlikini bildürgen idi.

Bayanatchi dilshat rishit ependining éytishiche, kériye saqchi da'iriliri, tekshürüsh élip bérish dawamida, bayraq tiklesh weqesi bilen munasiwetlik dep 6 kishini qolgha alghan bolup, yerlik xelq qorqup ketkenliktin bu weqeni étirap qilishtin bash tartqan . Biz 22 ‏- féwral küni kériye saqchilirigha téléfun urup, bu weqe üstide sürüshtürüsh élip barduq , saqchilardin éniq bir jawap alalmighandin kéyin, kériye nahiyisidiki bir qanche a'ilidin bu weqedin xewiri bar ‏- yoqliqini soriduq, ularning hemmisi bu weqedin xewiri yoq ikenlikini bildürdi.

23 ‏- Féwral küni , yene bu heqte ziyaritimizni qobul qilghan dilshat rishit, xitay hökümitining Uyghur aptonom rayonida, kishilerning sözlesh erkinlikini xitayning ölkilirige qarighanda hessilep chekleydighanliqini, siyasiy mesililerde öz qarashlirini bildürgen Uyghurlarning nechche on yilliq qamaq jazasigha we hetta ölüm hökümige duch kélidighanliqini tekitlidi.

Xitay hökümiti gerche, sherqiy türkistan musteqilchilirini we'ularning bayraqlirini pütünley yoqitiwetkenlikini bildürüwatqan bolsimu, kériye nahiyiside yüz bergen bu weqe, Uyghurlarning öz dölet bayriqini saqlap kéliwatqanliqini namayen qilghan. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet