Xitay hökümiti haywanlargha éghiz - tuyaq yallughi tarqalghanliqi heqqidiki xewerlerni chekligen


2004-10-29
Share

Xitay hökümiti Uyghur aptonom rayonining ili wilayitide haywanlargha éghiz-tuyaq yallughi dep atalghan késellik tarqalghanliqi heqqidiki uchurlarni qattiq kontrol qilip, xitay metbu'atlirining bu heqte xewer bérishini chekligen. "Amérika awazi" radi'osi xitayning ilidiki haywanlargha tarqalghan yuqumluq késelni kontrol qilish yolida qattiq tedbir qollan'ghanliqini xewer qildi.

Xewerlerge qarighanda késellik ehwali ghulja nahiyiside eng éghir bolup, késel tarqalghan rayondiki mal bazarliri pütünley taqalghan. Ürümchi charwichiliq idarisidiki emeldarlar, pütün aptonom rayonning tesirge uchrighanliqini tekitlimekte. Yerlik da'iriler késelni kontrol qiliwalghanliqini ilgiri sürgen.

Biraq hükümet da'iriliri késellik ehwaligha da'ir uchurlarni qattiq kontrol qilghan. Hökümet metbu'atliri bu heqtidiki uchurlarni hazirgha qeder teshebbuskarliq bilen xewer qilip baqmidi. Yerliktiki dehqan-charwichilar ghulja we ürümchidiki metbu'at organlirigha téléfon qilip, késellik ehwalini xewer qilishni telep qilghanda, bu heqtiki uchurlarni yuqurining testiqisiz élan qilalmaydighanliqini bildürgen.

Xitay hökümiti ilgiri sars késilini yoshurup, sars wirusining yamrap kétishige sewep bolush bilen eyiblen'gendin kéyin, yuqumluq késellerni yoshurmaydighanliqi heqqide wede bergen idi. Ilidiki charwa - mallarda yuqumluq késel tarqalghanliqi xewerni tunji bolup erkin asiya radi'osining Uyghur bölümi xewer qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet