Uyghur aptonom rayonida her yili 8000 adem öpke tébirkilozida ölidu


2006.03.21
Share on WhatsApp
Share on WhatsApp

Ürümchi sheherlik yuqumluq késellerni kontrol qilish merkizining ashkarilishiche, öpke tébirkilozi Uyghur aptonom rayonida yenila ammiwi salametlikke éghir derijide tehdit séliwatqan yuqumluq késellerning biri bolup, aptonom rayon boyiche her yili 7500 din 8000 ghiche kishi mezkur késel bilen ölmekte.

Ürümchi sheherlik yuqumluq késellerni kontrol qilish merkizi ürümchide chiqidighan "shinjang merkizi sheher géziti" ge, aptonom rayon boyiche öpke tébirkilozi bilen aghrighan kishilerning 80 minggha yétidighanliqini we her yili 28 ming kishining bu késel bilen yuqumliniwatqanliqini bildürgen.

Öpke tébirkilozi Uyghur aptonom rayonida tarixiy bir qeder uzun késellerning biri. Sabiq sowét ittipaqi 1953 - yili aptonom rayon boyiche öpke tébirkilozi, poqaq we tére késilini dawalash pilanini yolgha qoyghan we bezi ijabiy netijilerge érishken bolsimu, lékin 1959 - yili sowét - xitay munasiwiti buzulushqa bashlighandin kéyin, bu pilan toxtap qalghan.

Bezi közetküchilerning eskertishiche, öpke tébirkilozining Uyghur aptonom rayonida hazirghiche ammiwi salametlikke éghir derijide tehdit séliwatqan késellik bolup qélishida,xitay hökümitining buninggha yiterlik meblegh ajratmighanliqi we 1964 - yildin béri rayonda élip bérilghan yadro sinaqliri muhim rol oynighan.

Emma xitay hökümiti 1949 - yildin béri aptonom rayonning sehiye we ammiwi salametlik ishlirida zor netije qazan'ghanliqini bildürmekte. Lékin sehiye teshkilatining ashkarilishiche, xitay sehiye dawalash ishlirida dunya boyiche 191 dölet we rayon ichide arqidin sanighanda 4 - orunda turudiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet