Uyghur élide , yuqumluq késellikler köpiyip,yuqumlan'ghuchilarning nisbiti örlimekte


2007-05-15
Share

Aptonom rayonluq sehiye nazaritining ashkarilishiche, bu yil 4 ‏- ayda, Uyghur élide 5 türlük yuqumluq késel yeni öpke késili, b tipik jiger késili, s tipik jiger késili, mikrop xaraktérlik ich sürük késili we siflis késili qatarliqlar ilgirikidin körünerlik halette köpeygen bolup, munasiwetlik sehiye orunlirining diqqitini qozghighan. Xewerdin melum bolushiche, bu yil 4 ‏- ayning özide, ürümchide s tiplik yuqumluq késellikke giriptar bolghanlar sani 2600 ge yéqin bolup, bularning arisida ikki neper adem késel tüpeylidin ölgen.

Xitay agéntliqining ürümchidin bergen bu heqtiki xewiride, bu yil 4 ‏- ayda, aptonom rayon buyiche a tiplik we b tiplik yuqumluq késelge giriptar bolghuchilar sani 14 minggha yéqin bolup, bulturqidin % 35 örligen.

Xewerde ashkarilinishiche, bu yil 4 ‏- ayda, Uyghur élide s tiplik yuqumluq késel dep atalghan zukam , yuqumluq güren bez yallughi we rématizim qatarliq késelliklerning köpiyish nisbiti % 88 ke yetken.

Yéqinda radi'omizning ziyaritini qobul qilghan ürümchi ikkinchi doxturxanisida ishleydighan bir doxturning bildürüshiche, bu yil ürümchide hawaning bulghinish derijisi ilgiriki yillardikidin téximu éghir bolghachqa, mezkur doxturxanigha kélip körünüwatqan nepes yallughi késilige giriptar bolghuchilar burunqidin hessilep köpeygen. (Méhriban)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet