Uyghur aptonom rayoni wekiller ömiki yéqinda keshmirni ziyaret qilidu


2005.07.25
Share on WhatsApp
Share on WhatsApp

Uyghur aptonom rayonining bir wekiller ömiki pat yéqinda pakistan kontrolliqidiki keshmirni ziyaret qilip, Uyghur aptonom rayoni bilen keshmirning hemkarliq munasiwiti toghrisida muzakire élip baridu.

Pakistan kontrolliqidiki azad jammu we keshmirning sana'et we tebi'iy bayliqlar ministiri muhemmed yasin xanning ashkarilishiche, " ikki terep yéqinda öz ara hemkarliq alaqisini kücheytishke qoshulghan." Muhemmed yasin xanning pakistan birleshme axbarat agéntliqinigha tekitlishiche, Uyghur aptonom rayoni da'iriliri pakistan kontrolliqidiki keshmirge bir wekiller ömiki ewetip, énérgiye we su éléktir énérgiye sahesi boyiche hemkarliq élip bérish mumkinchiliki üstidin tekshürüsh élip baridiken.

Muhemmed yasin xan ötken hepte Uyghur aptonom rayonini ziyaret qilip, ürümchi da'iriliri bilen söhbet élip bardi. U, ziyaritini shenbe küni axirlashturghan. Alaqidar da'irler azad jammu we keshmirning bash ministiri iskender hayat xanni bu yil 9 - ayda ötküzülidighan ürümchi yermenkisige teklip qilghan. Iskender hayat xanning ashkarilishiche, u 9 - ayda ürümchini ziyaret qilish jeryanida xitaylar bilen shamal we quyash énérgiyisidin paydilinish türliri boyiche hemkarliq élip bérish mumkinchilikini sözlishidiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet