Bu yil xénendin 213 ming kishi Uyghur élige paxta térishqa kelmekchi


2005-07-19
Share

Xitayning Uyghur élidiki ishlepchiqirish qurulush armiyisi xénen ölkisi bilen toxtam tüzüp, Uyghur élidiki kéwezlikliride paxta térish ishliri üchün bu yil xénendin 213 ming yallanma emgekchini Uyghur élige élip kélidiken.

Shinxu'a xewer tor bétige bésilghan xewerge asaslan'ghanda, toxtam boyiche bir kündila xénenning 18 sheher we 60 nechche nahiye, rayonliridin 117 minggha yéqin kishi özini tizimgha aldurghan.

Xitayning Uyghur élidiki ishlepchiqirish qurulush armiyisining xizmet tonushturush merkizining mes'uli, mezkur ishlepchiqirish qurulush armiyisining bu yildiki kéwezlik meydanining 7 milyon modin ashidighanliqini, shu seweptin bu yerdiki paxtilarni térish üchün 600 minggha yéqin emgekchige éhtiyajliq bolidighanliqini bildürdi.

2003 - Yili hökümet tunji qétim ochuq ashkara xitayning her qaysi jayliridiki déhqanlarni Uyghur élige kélip paxta térishke chaqiriq qilghandin kéyin, xénen ölkisidinla 300 minggha yéqin kishi Uyghur élige kelgen hemde jem'iy 500 milyon yu'endin köp kirim qilghan.

Nöwette Uyghur déhqanliridin radi'omizning heqsiz téléfon liniyisige nurghun naraziliqlar kéliwatqan bolup, ular asasliqi hashar bilen ishlepchiqirish qurulush armiyisining kéwezlikliride mejburiy paxta tergüzüsh ehwalliridin zarlanmaqta. Ularning éytishiche, bu Uyghur déhqanlirigha héchqanche neq bérilmeydiken, ular hetta paxta tériwatqan mezgilidiki yimek-ichmek chiqimlirinimu özi kötüridiken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet