Uyghur éli kiyim-kéchekliri xitayda

Tengritagh torining 31 ‏- mart bergen xewirige qarighanda, xitayning Uyghur élidiki herbiy sen'et ömikining kiyim layihiligüchisi sun shyuchin xitay xelq'araliq kiyim-kéchek heptilik körikide netije quchqan. Sun shyuchinning bildürüshiche, xitay ölkiliridiki bir nechche kiyim- kéchek ishlepchiqiridighan shirketler dangliq marka mehsulati üstide uning bilen muhakime élip barghan.

Mushu heqtiki bashqa xewerlerdin melum bolushiche, bu qétimliq xelq'araliq körekte Uyghur élidin kelgen pasunlar tamashibinlarning zor alqishigha érishken bolup, bu Uyghur éli milli kiyim-kécheklirining xelq'araliq sehnilerde tunji qétim namayen bolushi iken. Netijide, Uyghur élidin kelgen kiyim pasunliri yuqiri netijige ériship bu xitay layihiligüchini dangliq shexske aylandurghan.

Chet'ellerdiki Uyghur ziyaliylirining qarishiche, bu xitay layihiligüchining netijiliri qandaqtur bir yéngi pasunni wujudqa keltürüp érishken netije bolmastin, belki Uyghur éli milli medeniyet jewherlirining dunyawi köreklerdiki jezibisining érishken yuqiri bahasi iken.

Uyghur mutexessisliri, bashqa milletlerning milli medeniyitini suyi'istémal qilish jehette, xitay kiyim layihiligüchi sun shyuchinning Uyghur éli naxsha- muzikilirini oghrilap "men ijat qildim" dep bazargha salghan we xitayda inawet qazan'ghan wang lobingdin qet'iy perqsiz ikenliki ilgiri sürüshmekte. (Jüme)